Tachipirina 120 MG/5 ML – 120 ML

538 L

Tachipirina Shurup 120 mg/5 ml është një shurup me përmbajtje paracetamoli. Përdoret për lehtësimin e simptomave të ftohjes, lehtësimin e dhimbjes dhe uljen e temperaturës. Shurupi Tachipirina duhet të përdoret në të rritur dhe fëmijë me peshë nga 7.2 kg (përafërsisht 5-6 muaj).

Compare
Categories: , , , , ,

Description

Përshkrimi i produktit
Tachipirina Shurup 120 mg/5ml është një shurup për përdorim nga goja. Përmban paracetamol si lëndën e saj aktive. Tachipirina shurup përdoret për trajtimin e dhimbjes së lehtë deri në mesatare si: dhimbja e kokës, migrena, dhimbja e dhëmbit, spazmave dhe dhimbjes me origjinë të ndryshme. Indikohet gjithashtu për ethet, temperaturën dhe simptomat e të ftohurës së zakonshme.
Indikacione
Indikohet në:
  • Uljen e temperaturës
  • Lehtësimin e simptomave të të ftohurës dhe gripit dhe sëmundjeve të tjera të traktit respirator
  • Lehtësimin e dhimbjes së lehtë deri në mesatare si dhimbjet e kokës, dhimbja e fytit, dhimbja e dhëmbit, dhimbje të vogla muskulare ose tërheqje muskulare dhe dhimbje me origjinë të ndryshme.
Udhëzime për përdorim
Përdoreni këtë bar siç është përshkruar në flëtëudhëzues ose sipas këshillës së doktorit apo farmacistit tuaj.
Për përdorim nga goja dhe për një kohë të shkurtër. Tundeni mirë përpara përdorimit.
Përdorni shiringën brenda paketimit për të matur dozën me saktësi.
Dozimi
Në fëmijët mbi 10 vjeç është e rëndësishme të respektohet dozimi sipas peshës dhe jo në bazë të moshës.
  • Fëmijët me peshë ndërmjet 7 dhe 10 kg (përafërisht 6 dhe 18 muaj): 5 ml, të përsëritet nëse është e nevojshme pas 6 orësh pa tejkaluar 4 doza në ditë.
  • Fëmijët me peshë ndërmjet 11 dhe 12 kg (përafërsisht 18 dhe 24 muaj): 5 ml, të përsëritet nëse është e nevojshme pas 4 orësh pa tejkaluar 6 doza në ditë.
  • Fëmijët me peshë ndërmjet 13 dhe 20 kg (përafërsisht 2 dhe 7 vjeç): 7.5-10 ml, të përsëritet nëse është e nevojshme pas 6 orësh pa tejkaluar 4 doza në ditë.
  • Fëmijët me peshë ndërmjet 21 dhe 25 kg (përafërsisht 6 dhe 10 vjeç) :10 ml, të përsëritet nëse është e nevojshme pas 4 orësh pa tejkaluar 6 doza në ditë.
  • Fëmijët me pëshë 26 dhe 40 kg (përafërsisht 8 dhe 13 vjeç): 15-20 ml, të përsëritet nëse është e nevojshme pas 6 orësh, pa tejkaluar 4 doza në ditë.
  • Djemtë me peshë ndërmjet 41 dhe 50 kg (përafërsisht 12 dhe 15 vjeç): 20 ml të përsëritet nëse është e nejvoshme pas 4 orësh pa tejkaluar 6 doza në ditë.
  • Fëmijët që peshojnë më shumë se 50 kg (përafërsisht mbi 15 vjeç): 20 ml të përsëritet pas 4 orësh nëse është e nevojshme, pa tejkaluar 6 doza në ditë.
  • Të rriturit: 20 ml, të përsëritet nëse është e nevojshme pas 4 orësh, pa tejkaluar 6 doza në ditë.
Paralajmërime
MOS tejkaloni dozën e barit më shumë siç tregon etiketa.
MOS ia jepni këtë bar fëmijës suaj nëse:
-Peshon më pak se 7.2 kg
-Është alergjik ndaj paracetamolit ose ndaj ndonjë prej përbërësve të tjerë të barit
-Ka anemi hemolitike të rëndë (sëmundje e shkaktuar nga dëmtimi i qelizave të caktuara të gjakut, rruazat e kuqe të gjakut)
-Ka sëmundje të rëndë të mëlçisë.
Kujdes:
Këshillohuni me doktorin ose farmacistin tuaj përpara se ta jepni këtë produkt nëse fëmija:
ka ose ka patur astmë, diabet, kolesterol të lartë, tension të lartë të gjakut, goditje në tru, probleme me zemrën, mëlçinë, veshkat ose stomakun.
Paralajmërimet e mëposhtme janë për të rriturit. Kërkohet këshilla e mjekut përpara se të merrni këtë produkt në problemet e mëposhtme:
  • Shtatzani
  • Ushqyerje me gji
  • Të qënit duhanpirës, alkoholik
  • Me ndonjë problem të fshehur shëndetsor
  • Marrja e barnave të tjerë ose terapi bashkëshoqëruese
  • Nëse simptomat zgjasin ose vuani nga alergjitë.
Informacione të tjera
Kushtet e ruajtjes
Mos e ruani mbi temperaturën 25°C. Ruajeni nga drita.
Mbajeni larg fëmijëve.
Përbërësit
Lënda aktive: Çdo 5 ml të pezullisë orale përmban 120 mg paracetamol
Përmban gjithashtu: Sukrozë, Citrat natriumi, Sakarinë Natriumi, Metil parahidroksibenzoat, Sorbat Kaliumi, Macrogol 6000,  Acid citrik monohidrat, Shije luleshtrydhe,  Aromë mandarine, Ujë i Purifikuar.

Related products